Ruijan kvääniliitto leeverasi raportin Euroopparaatile.

Norske kveners forbund – Ruijan kvääniliitto leveerasi kalvetraportin Euroopparaatile novemperikuussa 2020 ja lähätti sen kans kväänin meediale eilen 16. desemperikuuta 2020. Kalvetraportissa liitto käypi läpi raporttia, jonka Norja lähätti Euroopparaatile augustikuussa. Norja häyttyy raportoiđa joka viiđes vuosi raatile kunka se oon seuranu raamikonvensjuunia jonka se oon hyväksyny vuonna 1999. Konvensjuuni koskee minoriteettijoukoi ja kunka Norja tukkee ja suojelee heitä.

Ruijan kvääniliito ei ole tytyväinen kunka Norjan päätösvalta oon seuranu konvensjuunia viisi viimistä vuotta. Raportissa liitto muistellee assiiten ympäri jokka oon Norjan raportissa. Mitä Norjan päätösvalta oon teheny ja mitä se häyttyy tehđä tulleevaisuuđessa paremin. Sie saatat lukkeet koko kalvetraportin täältä:

Please wait while flipbook is loading. For more related info, FAQs and issues please refer to DearFlip WordPress Flipbook Plugin Help documentation.