(kainulaiset=kväänit/kväänikansa)
“Kainun kansa eli kväänikansa (norjaksi kvener) eli norjansuomalainen kansa (norjaksi norskfinner) oon eläny Pohjaiskalotilla jo varhaisista aijoista asti. Heiđän elinkeinot vaihetelthiin vuođenaikkoin jälkhiin merenrannan ja sisämaan välilä. Het pyyđethiin kallaa merestä, jovista ja järvistä, ja het olthiin jahtimiehet ja puunat. Yđinallaa oli Pohjanlahti, Tornionväylän varsi ja siitä pohjaisheen kiini Jäämerheen asti. Met emmä tieđä koska kainulaiset/norjansuomalaiset siirythiin asumhaan Norjhaan, mutta 1500-luvula heitä jo löyttyy rekistreerattunna kirjalisista lähtheistä….”